Sağ göstərib sol vururam
Şərq göstərib qərb aparıram
Nə qədər qəlb aparıram
Bir o qədər də özümü qəribə aparıram
Oxuyur xanəndələr, eşitmirəm
Eşidirəm daha mən nələr
Dar məngənədə var bəndələr ki
Hamısı Çələbi, hamısı Danəndələrdir
Necə olur həmrəylik?!
Güvəndiyin insanlar sürüyür cəmdəyini
Kimdə balta, kimdə mişar, kimdə rəndə idi
Və təkcə büdrəməyinin günahı səndə idi
Cavab gəlmir axmaqdan (axmaqdan)
Kor olmuşuq baxmaqdan (baxmaqdan)
Soruşun bədbəxtlərdən
Niyə yuyulmurdu qan ləkələri metlaxlardan
Hərəkətə qiymət
Dərə-təpə qeybət
Bərəkətə hiylə
Mənə görə, siğə elə zinadır
Yenə öz boyunlarına günahı
Belə yazmır din axı
Belə yazmır din ağır
Bədənlərdə məkr
Ruhlarda çirkab, gözlərdə intizar tapdım
Evini itirən başını vurmağa divar tapmır
Hər gün xəbərlərdə hər cürə intihar tapılır
Getdim sonsuzluğa, gördüm, görüb gəldim
Ölüb dirildim, dirilib ölüb gəldim
Sən çevrəndəki insanları görmürsən
Mən cəhənnəmin çevrəsini dönüb gəldim
Kimin əvvəlidir, kimin axırı
Kimin əvvəli, kimin axırı
Kimə axırı, kimə əvvəli
Kimə əvvəli, kimə axırı
Kimin əvvəlidir, kimin axırı
Kimin əvvəli, kimin axırı
Kimə axırı, kimə əvvəli
Kimə əvvəli, kimə axırı
Bu drama qanla qumdu
"Spaethe" sonuncu sonata, son məktubumdu
Tərk edilmək, atılmış evlərdə qalmaq
Sanki danmaq, sənsizlik od zəbundu
Ən ağır mənzərədi
Ölən müridlər partlayan mədrəsədi
Zəkat, xüms oğurlanan sədəqədi
Sənsizlik pərt olmaq və məsxərədi
Ölmə deyən olmur, qapını döy gələndə
Günəş Ay kimi görünür yerə göy gələndə
Ağrı göynədəndə ürəyin istifadə tarixi bitir
Sənsizlik yıxılmaqdı göydələndən
Səbəbsiz təbəssümlə səni elə təsvir edim ki, ağlın çaşsın tərənnümdən
Pozdum sən gedən gündən gəlişini
Yazırdım, sən gələn gündən bu günə kimi idi axı sənsizlik
İnsan olmaqdı günahda boğulmaq üçün
Mələk olmaqdı sirləri gizlətmək üçün
Şeytan olmaqdı cənnətdən qovulmaq üçün
Şair olmaqdı dünyanı sənə bənzətmək üçün
Doğrularla, yanlışlarla məni bağışlama
Mən bağışlamadım özümü, sən də bağışlama
Göz yaşın yağışlardı
Göz yaşı tanışdı mənə ən yaxın tanışlardan
Məni bağışlama
Mən bağışlamadım özümü, sən də bağışlama
Göz yaşın yağışlardı
Göz yaşı tanışdı mənə ən yaxın tanışlardan
